- ဥ (၅)လုံး၊ သံပုရာသီး (၁၀)လုံးခန့်နှင့် ထန်းလျက် (၂၀)ကျပ်သားခန့် လိုအပ်သည်။

- ဥများကို ခွက်တစ်ခုအတွင်းထည့်၍ ၄င်းတို့နစ်မြုပ်သည်အထိ သံပရာအရည်များ ညှစ်ထည့်ပေးပါ။
- အဖုံးပိတ်၍ (၁၀)ရက်ခန့် ထားပေးပါ။
- (၁၀)ရက်ကြာပြီးနောက် ဥများကိုခြေ၍ ရောမွှေပေးပါ။
- ထို့နောက်တင်လဲရည် သို့မဟုတ် ထန်းလျက်ရည်ပျစ်ပျစ်ကို ကြက်/ဘဲဥဖျော်ရည်နှင့် ဆတူရောစပ်၍ (၁၀)ရက်ခန့် ထပ်မံထားပေးပါ။
- ထို့နောက် အရည်ကိုစစ်၍၊ ရေဖြင့် ၁း ၁၀၀၀ မှ ၄း ၁၀၀၀ အချိုး ရောစပ်ပက်ဖျန်းပေးနိုင်သည်။
- (၁၄)ရက်ခြား၍ အပင်ငယ်စဥ်မှ သီးပွင့်သည်အထိ ပက်ဖျန်းပေးပါ။
- ငါးအမိုင်နိုအက်ဆစ်ကဲ့သို့ အပင်ကြီးထွားဖွံ့ဖြိုးမှုအတွက်အထူးကောင်းမွန်သည်။
- ဟင်းသီးဟင်းရွက်များအား ကြီးထွားမှုမြန်ဆန်စေခြင်း၊ အသီးတင်မှုအားကောင်း၍ အသီးကြီးထွားခြင်း စသည့်ကောင်းကျိုးများကို ရရှိနိုင်သည်။
- ဖျက်ပိုးများအားတွန်းလှန်နိုင်စွမ်းရှိသည်။
သတိထားသင့်သည့်အချက်များ
- ဓာတုဖြစ်စေ အော်ဂဲနစ်ဖြစ်စေ ရွက်ဖျန်းအားဆေးသည် မြေသြဇာများကဲ့သို့ အာဟာရဓာတ်များပါဝင်မှု မမြင့်မားပါ။
- ရွက်ဖျန်းအားဆေးတစ်ခုထဲဖြင့် မလုံလောက်ပါ။
- ဖြည့်စွတ်အာဟာရအဖြစ်လည်းကောင်း၊ အမြစ်များမကျန်းမာချိန် သို့မဟုတ် ရေဝပ်ချိန် သို့မဟုတ် အာဟာရချို့တဲ့ချိန်တွင် အပင်၏အာဟာရလိုအပ်ချက်ကို ရွက်ဖျန်းအားဆေးများမှ အလျင်အမြန်ဖြည့်တင်းပေးနိုင်သည်။
- သုတေသနများအရ အမိုင်နိုအက်ဆစ်ရွက်ဖျန်းဆေးများသည် ပက်ဖျန်းပြီး (၂၄)နာရီအတွင်း အပင်၏အမြစ်ထိရောက်ရှိသွားသည်ကို တွေ့ရှိရပြီး (၃)ရက်အတွင်း အာနိသင်ပြကြောင်း တွေ့ရှိရပါသည်။
- သဘာဝမြေသြဇာများနှင့်အတူ အမိုင်နိုအက်ဆစ်များအား ပူးတွဲသုံးစွဲပေးခြင်းဖြင့် သီးနှံများအရည်အသွေးနှင့် အထွက်နှုန်းကောင်းမွန်နိုင်မည်ဖြစ်ပါသည်။
ဒေါက်တာဝဏ္ဏထွန်း
References
http://www.priyachem.com
http://hpeingredients.com/.../snail-proteins-rich-in...